Blaðamannafundur fyrir UFC 229 fór fram fyrr í kvöld þar sem þeir Conor McGregor og Khabib Nurmagomedov voru viðstaddir. Conor var með sín venjulegu læti á meðan Khabib var nokkuð rólegur.
Að sjálfsögðu byrjaði blaðamannafundurinn alltof seint og var Conor seinn í hús. Blaðamannafundurinn var lokaður almenningi og voru aðeins blaðamenn viðstaddir. Conor byrjaði á að gagnrýna þá ákvörðun UFC að hafa enga aðdáendur á blaðamannafundinum. Dana White sagði þó að UFC hefði ekki viljað taka neina áhættu miðað við sögu þeirra beggja.
Conor McGregor mætti með nýja viskíið sitt sem hann gaf út á dögunum. Conor skellti flöskunni á borðið og hellti í þrjú glös; eitt fyrir sig, eitt fyrir Dana White og eitt fyrir Khabib Nurmagomedov. Khabib afþakkaði þó enda drekkur hann ekki á meðan Conor sturtaði sínu glasi í sig. Þeir Conor og Khabib berjast þann 6. október.
Conor var verulega æstur á blaðamannafundinum til að byrja með og kallaði Khabib rottu, glerkjálka, svikara og loddara. Khabib hefur nokkrum sinnum þurft að hætta við bardaga vegna meiðsla og einu sinni ekki mætt í vigtun. Conor varaði Khabib við að bakka ekki úr þessum bardaga.
Conor calls Khabib a pullout merchant: “If you pull out like you always pull out, may God have mercy on your soul.” #UFC229
— MMAFighting.com (@MMAFighting) September 20, 2018
Báðir voru að hrópa á hvorn annan og var oft erfitt að heyra hvað þeir voru að segja. Það er samt vitað mál að hvorugur var að segja eitthvað fallegt um hvorn annan. Khabib minntist á rútuárásina og spurði Conor hvers vegna Artem Lobov hefði ekki slegið Khabib til baka þegar Khabib löðrungaði Artem í aðdraganda UFC 223 á sínum tíma – atvikið sem var upphafið að rútuárásinni frægu.
Conor fékk hundrað milljónir dollara fyrir bardagann gegn Floyd Mayweather í fyrra. Conor sagðist ekki þurfa að berjast en geri þetta fyrir ánægjuna. Hann þarf ekki að berjast fyrir peninga en einfaldlega elskar að berjast.
Að lokum fóru umræðurnar að snúast um Tjetseníu og Dagestan, pabba Khabib, einræðisherrann í Tjetseníu Ramzan Kadyrov og Ziyavudin Magomedov án þess að nokkur hafði spurt um þau málefni. Conor hefur greinilega unnið heimavinnuna sína en Rússinn Magomedov var stuðningsaðili Khabib og færði honum dýrar gjafir. Hann situr nú í fangelsi fyrir að draga að sér 55 milljónir dollara í ríkisfé og sagði Conor að nú væri Khabib blankur þar sem stuðningsaðili hans er á bakvið lás og slá. Þarna var Khabib orðinn aðeins æstari þegar Conor var farinn að blanda fjölskyldunum í þetta.
You know Conor is good at investigating opponents that the real deep dive barbs fly over 99% of the fans heads. Kadyrov, Magomedov, Abdel-Aziz’s past, Chechnya/Dagestan, etc. He really has no red line.
— caposa (@Grabaka_Hitman) September 20, 2018
Conor McGregor just called out the UFC Lightweight Champion for being a brutal dictator’s toady and his manager for being a terrorist turned informant who doesn’t pay child support.
That actually happened.
— David Bixenspan (@davidbix) September 20, 2018
Að lokum mættust þeir augliti til auglits í fyrsta sinn og fór allt friðsamlega fram þar. Áður en Conor yfirgaf sviðið hrópaði hann að umboðsmanni Khabib, Ali Abdelaziz, sem var farinn að blanda sér í málin. Abdelaziz á ansi skrautlega fortíð að baki og er umdeildur í bransanum. Conor hrópaði að Ali „Hvar er Noah, Hvar er Noah?“ en Noah er sonur umboðsmannsins Ali Abdelaziz sem hann yfirgaf.
FYI, Noah is the son Ali abandoned in Colorado when he started as an informant for the NYPD and who he is $50k behind in child support for. @TheNotoriousMMA does his homework when preparing for war.
— Mike Russell (@MIKERUSSELLMMA) September 20, 2018
Hér má sjá þegar þeir loksins stóðu andspænis hvor öðrum.
.@TeamKhabib and @thenotoriousmma finally come face-to-face at the #UFC229 press conference pic.twitter.com/9Nyh0BZG3d
— MMAFighting.com (@MMAFighting) September 20, 2018
Blaðamannafundinn má sjá í heild sinni hér að neðan.
