Dana White, forseti UFC, mun setjast niður og spjalla við Conor McGregor um helgina. Dana og Conor munu ræða framtíða Írans í UFC eftir rútuatvikið fræga.
Conor McGregor hefur ekki barist í UFC síðan í nóvember 2016. Hann hefur síðan þá verið sviptur léttvigtartitli sínum og er lítið vitað um framtíð hans í UFC.
„Við munum setjast niður og ræða um framtíð hans og hvað verði framundan hjá honum,“ sagði Dana White í gær.
Conor McGregor fer fyrir dómara í New York þann 14. júní eftir atvikið þar sem hann kastaði trillu í gegnum rúðu á rútu og slasaði fjölda manns. UFC mun bíða með að bóka hann í næsta bardaga þar til málinu verði lokið.
„Ég hef ekkert að gera með lagaleg málefni hans. Hann þarf að bjarga því sjálfur. Hann þarf að sinna því í júní. Ég mun fljúga til Liverpool um helgina fyrir bardagakvöldið þar og við munum hittast í Liverpool.“
Þeir Michael Chiesa og Ray Borg gátu ekki barist vegna áverka sem þeir urðu fyrir í rútuárásinni og er talið að þeir munu lögsækja Conor.
