Daniel Cormier og Chael Sonnen verða næstu þjálfarar TUF

Það er ljóst hverjir verða næstu þjálfarar í The Ultimate Fighter þáttaröðinni þar sem bardagamenn berjast um samning við UFC-bardagasamtökin. Á meðan UFC 311 stóð var tilkynnt um þessa tilhögun en þeir Cormier og Sonnen halda úti skemmtilegu hlaðvarpi sem heitir góði gaur vondi gaur og verður gaman að sjá hvort það marki nálgun þeirra við bardagamenn.

Oft eru þjálfarar í TUF bardagamenn sem enda á því að berjast í lok þáttaraðarinnar en það verður augljóslega ekki að þessu sinni, enda báðir Cormier og Sonnen búnir að leggja hanskana á hilluna. Á meðan á útsendingu stóð áttu þeir orðaskipti í kjölfar tilkynningar um að þeir væru andstæðingar í TUF. Skemmtileg ára yfir þeim félögum og má reikna með skemmtilegri seríu þegar þeir þjálfa.