Englendingurinn Danny Roberts segist vilja berjast við Gunnar Nelson.
Danny Roberts (17-5) póstaði á Twitter í gær að hann vilji mæta Gunnari Nelson.
I want to fight Gunnar Nelson.
— Danny Roberts #HC (@DanHotChocolate) May 14, 2020
Roberts er 32 ára Englendingur sem hefur verið í UFC í tæp fimm ár. Roberts er 6-4 á ferli sínum í UFC og átti að berjast á UFC bardagakvöldinu í London í mars gegn Nicolas Dalby áður en bardagakvöldið féll niður vegna kórónaveirunnar.
Roberts er búsettur í Miami í Flórída og æfir hjá Henry Hooft eins og síðasti andstæðingur Gunnars, Gilbert Burns.
Gunnar barðist síðast í september og vonast eftir bardaga á árinu.
