Eins og við greindum frá í gær er Gunnar Nelson meiddur og getur því ekki barist við Dong Hyun Kim í Belfast. Dong Hyun Kim mun fá nýjan andstæðing en bardaginn mun ekki vera í Belfast.
Þetta segir Ariel Helwani, einn virtasti fjölmiðlamaðurinn í MMA.
The current plan is to move him to another card. https://t.co/e1UuDsodbA
— Ariel Helwani (@arielhelwani) October 22, 2016
Dong Hyun Kim mun því fá annan bardaga á öðru bardagakvöldi. Hugsanlega gæti hann endað á UFC 206 í Kanada í desember en ekkert er vitað um mögulegan andstæðing fyrir hann.
Bardagakvöldið í Belfast fer fram þann 19. nóvember og munu þeir Gegard Mousasi og Uriah Hall berjast í aðalbardaga kvöldsins í staðinn.
