Formlegri vigtun fyrir UFC 210 var að ljúka. Léttþungavigtarmeistarinn Daniel Cormier náði vigt í annarri tilraun eftir að hafa mistekist í fyrstu tilraun.
Allir bardagamennirnir á UFC 210 náðu vigt en tæpt var það. Formleg vigtun fór fram í dag frá 13 til 15 á íslenskum tíma. Þegar fimm mínútur voru eftir af vigtuninni voru hvorki Daniel Cormier né Anthony Johnson mættir. Þeir Cormier og Johnson mætast í aðalbardaga kvöldsins og var nokkuð um áhyggjur meðal viðstaddra fjölmiðlamanna.
Daniel Cormier mætti fyrst og þurfti handklæðið til að hylja sig enda var hann tæpur á vigtinni og þurfti að standa allsnakinn. Cormier var 206,2 pund (93,53 kg) og var því yfir vigt! Cormier og Johnson þurftu að vera 205 pund (92,98 kg) eða undir og máttu ekki vera einu pundi yfir (líkt og venjulega) þar sem um titilbardaga er að ræða.
Cormier leit illa út á vigtinni en skyndilega, rúmum tveimur mínútum seinna, mætti Cormier aftur á vigtina og var þá 205 pund! Ótrúleg atburðarrás og hulin ráðgáta hvernig í ósköpunum Cormier gat verið 1,2 pundi léttari á rúmum tveimur mínútum.
Anthony Johnson mætti skömmu síðar á vigtina og var vel undir eða 203,8 pund. Johnson mætti á slaginu kl 15 og hefði ekki getað verið mikið seinna í því.
Miklar vangaveltur hafa verið á samfélagsmiðlum um vigtun Cormier og menn bent á að Cormier hafi hallað sér fram og ýtt á handklæðið.
Here is what everyone is mentioning. Cormier holding down on the towel when he made weight pic.twitter.com/qJx9Jw2hXW
— Jason Floyd (@Jason_Floyd) April 7, 2017
Pressing down on the towel to offset a little weight is an old trick. I’m not real outraged by this, but let’s not kid ourselves.
— Brett Okamoto (@bokamotoESPN) April 7, 2017
Cormier at 206.2 (no hands)
Cormier at 205.0 (with hands)
Lost the 1.2 lbs when he pushed up on towel @Josh_Yurasits @FrontRowBrian #ufc210 pic.twitter.com/8iQ0CWxUK3— Nick Grinups (@nickgrinups) April 7, 2017
Anthony Johnson var þó sama um hvort Cormier hafi verið með brögð í tafli og er ánægður að titilbardaginn sé ennþá á dagskrá.
