Frankie Edgar innleiddur inn í UFC frægðarhöllina

UFC 297 var haldið hátíðlega um helgina og fengum við ansi skemmtilegt bland af bardögum, kanadískri bardagabölvun og Frankie Edgar. “Edgarinn” var innleidur inn í UFC Hall of Fame með hjartnæmri uppákomu og nýtum við því tækifærið til að rifja upp ferilinn hans Frankie Edgar og leið hans inn í frægðarhöllina.

Frankie Edgar barðist sinn fyrsta bardaga sumarið 2005 beint eftir háskóla í lítilli box rækt í New York. Bardaginn var gegn Eric Uresk sem var þá sjálfur að taka sín fyrstu skref í MMA.

Frankie Edgar setti saman 9 bardaga sigurgöngu í kjölfarið af bardaganum við Eric og mætti þar að meðal Jim Miller í Reality Fighting 14 og barðist sinn fyrsta UFC bardaga gegn Tyson Griffin á UFC 67. UFC frumraunin var erfið og var Edgar nálægt því að tappa út eftir kneebar.

Frankie þurfti að sætta sig við sitt fyrsta tap á ferlinum á UFC Fight Night 13 gegn hinum ósigraða Gray Maynard árið 2008. Frankie kom sterkur til baka eftir fyrsta tapið sitt og komst strax á sigurbraut með sigri gegn Hermes Franca, Sean Sherk og Matt Veach. Frankie var þá orðinn 12 – 1 og átti skilið að fá tækifæri til að reyna við léttvigtar titilinn sem tilheyrði á þeim tíma BJ Penn. Frankie og Penn mættust 2012 og sigraði Edgar með einróma dómara ákvörðun. Frankie varði svo beltið gegn Penn fimm mánuðum seinna, aftur með einróma dómara ákvörðun. Eftir að hafa unnið léttvigtarbeltið og varið það einu sinni var komið að næstu þrekraun, gamla grýlan Gray Maynard var næstur í röðinni. Frankie Edgar tókst að verja beltið gegn Maynard með Split Decision Draw 1. Janúar 2011. UFC ákvað að láta reyna einu sinni enn á þessa viðureign og gera almennilegan þríleik. Í október 2011 mættust þeir í þriðja skipti og sótti Edgar loksins sigurinn gegn Maynard með TKO sigri í 4. lotu. 1W 1D 1L var niðurstaðan gegn Maynard. Fullkomin þríleikur og gamla grýlan loksins dauð!

Eftir þríleikinn við Maynard kom bakslag í ferilinn. Edgar tapaði beltinu til Benson Henderson og tókst ekki að sækja beltið til baka í endurleiknum. Frankie tapaði svo fyrir José Aldo sem var þá nýi strákurinn á götunni. Edgar var þá búinn að missa beltið og tapa 3 bardögum í röð.

Eftir þetta bakslag tókst Frankie Edgar að setja saman 5 bardaga sigurgöngu og sótti sigur gegn hæfileikaríkum bardagamönnum á borð við Charles Oliveira, Urijah Faber og Chad Mendes. Edgar vann sér inn tækifæri til að ná léttvigtar titlinum til baka. Í þetta skipti gegn José Aldo sem var þá orðinn meistari. Frankie og Aldo mættust í annað skipti á ferlunum árið 2016 en niðurstaðan var sú saman, einróma dómara ákvörðun til José Aldo. Þetta var í síðasta skipti sem Edgar barðist upp á titil í UFC. 

Frankie Edgar hætti að berjast í UFC 6 árum eftir endurleikinn við José Aldo, en hann náði aldrei almennilegum hæðum aftur eftir tapið. Edgar tókst enungis að sækja einn sigur í síðustu 5 viðureigninum sínum í UFC og því líklega rétt ákvörðun hjá honum að hengja upp hanskana.

Frankie Edgar barðist sinn síðasta bardaga í Madison Square Garden gegn Chris Gutierrez. Gutierrez rotaði Edgar með hné í fyrstu lotu, sem var ekki svanasögurinn sem að Edgar hafði vonast eftir. En það er þó fegurð í því að hann hafi fengið að binda enda á ferilinn í sömu borg og hann byrjaði.