Gunnar Nelson vigtaði sig inn 77 kg í morgun. Hann er því búinn að ná tilsettri þyngd fyrir bardaga sinn gegn Gilbert Burns á morgun.
Formleg vigtun fór fram kl. 9 til 11 í morgun á hóteli bardagamanna í Kaupmannahöfn. Gunnar þurfti lítið að taka af sér í morgun og fór í létta gufu. Gunnar var 170 pund í vigtuninni (77 kg) en leyfilegt er að vera einu pundi yfir nema um titilbardaga sé að ræða.
Gilbert Burns var aftur á móti 171 pund í vigtuninni. Burns var síðastur til að vigta sig inn en hann kom kl. 10:10 og hafði því ennþá nægan tíma til að vigta sig inn.
Sjónvarpsvigtunin fer síðan fram kl. 16:00 á íslenskum tíma í dag.
