![gunni fb](https://i0.wp.com/mmafrettir.is/wp-content/uploads/2014/03/gunni-fb.jpg?resize=448%2C448&ssl=1)
Nú eru aðeins fimm dagar í risabardaga Gunnars Nelson gegn Omari Akhmedov. Gunnar hélt út í morgun ásamt Jóni Viðari Arnþórssyni (formaður Mjölnis) og Haraldi Nelson (framkvæmdastjóri Mjölnis og faðir og umboðsmaður Gunnars).
Bardaginn fer fram í O2 Arena í London og er nánast orðið uppselt á viðburðinn. Gunnar verður fyrsti bardaginn á aðal hluta bardagakvöldsins (e. main card) sem hefst kl 20:00. Það má því búast við að Gunnar berjist fljótlega eftir að sjónvarpsútsendingin byrjar. Í aðalbardaga kvöldsins mætast þeir Alexander Gustafsson og Jimi Manuwa.