Gunnar Nelson féll niður um eitt sæti á nýjum styrkleikalista UFC sem kom út í vikunni. Gunnar situr í 14. sæti en Alex Oliveira tók sæti hans.
Gunnar Nelson hefur ekki barist síðan hann tapaði fyrir Santiago Ponzinibbio í júlí 2017. Fyrir þann bardaga sat hann í 8. sæti en hefur fallið niður listann síðan þá.
Alex Oliveira var fyrir helgina í 14. sæti listans. Hann sigraði hins vegar Carlo Pedersoli á UFC bardagakvöldinu í Sao Paulo um síðustu helgi. Oliveira er búinn að vinna fjóra af síðustu fimm bardögum sínum og hækkar upp um eitt sæti á listanum eftir sigurinn. Pedersoli kom inn í stað Neil Magny en Magny var færður í bardaga gegn Santiago Ponzinibbio í nóvember.
Gunnar Nelson er því í 14. sæti listans. Hann hefur náð sér af meiðslunum sem hann varð fyrir í apríl og er nú í leit að bardaga.
