Ariel Helwani var rétt í þessu að greina frá því að hætt sé við bardaga Gunnars Nelson og Dong Hyun Kim.
Ariel Helwani er sá eini sem hefur talað um þetta en hann er einn virtasti fjölmiðlamaðurinn í MMA. Gunnar og Dong Hyun Kim áttu að mætast í aðalbardaganum í Belfast þann 19. nóvember.
Orðrómur um meiðsli Gunnars hefur verið á kreiki síðan í september en þá var hann sagður koma heim frá Dublin á hækjum. Gunnar var staddur í Dublin í kynningarferð fyrir bardagakvöldið áður en miðasala hófst.
Bardaginn er sagður vera af borðinu vegna meiðsla Gunnars. Þetta er mikið áfall fyrir Gunnar sem var mjög spenntur fyrir því að berjast í aðalbardaganum í Belfast.
Samkvæmt Helwani mun bardagi Gegard Mousasi og Uriah Hall vera aðalbardaginn í Belfast í staðinn.
The Nelson-Kim Belfast main event is off. Mousasi-Hall 2 is in the works as the new main, per sources. Story coming to @MMAFighting shortly.
— Ariel Helwani (@arielhelwani) October 21, 2016
