Henry Cejudo hefur ákveðið að láta fluguvigtartitilinn af hendi. Cejudo er því bara bantamvigtarmeistari en hann virðist vilja einbeita sér að þeim flokki núna.
Henry ‘Triple C’ Cejudo varð fluguvigtarmeistari með sigri á Demetrious Johnson árið 2018. Hann varði síðan titilinn með sigri á T.J. Dillashaw í janúar en býst ekki við að fara aftur niður í fluguvigt.
Cejudo varð síðan bantamvigtarmeistari í sumar með sigri á Marlon Moraes. Cejudo virðist hafa mun meiri áhuga á bantamvigtinni og óskað eftir bardögum gegn Jose Aldo, Urijah Faber og Dominick Cruz í þeim flokki. Fluguvigtin hefur þurft að bíða eftir Cejudo en nú er titillinn laus.
Þeir Joseph Benavidez og Deivison Figueiredo berjast um lausan fluguvigtartitilinn þann 29. febrúar.
