Conor McGregor mætir Donald Cerrone eftir 10 daga. Nýr Conor bolur frá Reebok hefur vakið athygli.
Reebok samningurinn við UFC byrjaði brösulega á sínum tíma. Mörg nöfn bardagamanna voru skrifuð vitlaust á fatnað af Reebok og þá voru margir bardagamenn óánægðir með hve lítið þeir fengu borgað frá fataframleiðandanum.
Sjá einnig: Hlægileg mistök á Reebok fatnaði UFC
Sjá einnig: Er þetta versta klúður Reebok hingað til?
Síðustu ár hefur lítið verið um klúður hjá Reebok en nýjasti Conor McGregor bolurinn hefur vakið athygli.
Bolurinn kallast „Conor McGregor UFC 246 Legacy Series Walkout Jersey“ á vef Reebok og fæst hér. Teikningin af Conor er ekki sú glæsilegasta og ef ekki væri fyrir húðflúrin væri erfitt að vita hvort þetta væri Conor eða ekki. Miðað við nafnið á bolnum mun Conor McGregor labba inn í búrið í svona bol.
Samningur UFC við Reebok tók gildi árið 2015 og klárast 2021.
