Sunna Rannveig Davíðsdóttir verður í kvöld fyrsta íslenska konan til að berjast atvinnubardaga í MMA. Hún mætir þá Ashley Greenway en hvenær byrjar bardaginn?
Bardagi Sunnu og Greenway er fyrsti bardagi kvöldsins en átta bardagar verða á dagskrá. Útsendingin frá bardagakvöldinu byrjar á miðnætti á íslenskum tíma og ætti Sunna því að byrja fljótlega eftir miðnætti.
Hægt verður að horfa á bardagann á Fight Pass rás UFC. Þeir sem eru áskrifendur af rásinni borga ekkert aukalega fyrir að horfa á Invicta bardagakvöldið en mánaðargjaldið eru tæpar 700 kr á mánuði ef valið er að gerast áskrifandi í 12 mánuði. Þá er einnig hægt að taka sjö daga prufuáskrift sem kostar ekkert en einungis er hægt að næla sér í prufuáskrift einu sinni.
Það er engin sjónvarpsstöð í Evrópu sem sýnir bardagakvöldið og því er þetta besta leiðin fyrir bardagaaðdáendur hér heima.
