Á laugardaginn mætast þeir Conor McGregor og Floyd Mayweather í boxbardaga. Bardaginn fer fram í Las Vegas en hvenær byrjar veislan?
Átta boxbardagar verða á dagskrá á laugardaginn og þar af eru fjórir á aðalhluta bardagakvöldsins. Aðalhluti bardagakvöldsins hefst kl 1 á íslenskum tíma en bardagi Conor McGregor og Floyd Mayweather er auðvitað síðasti bardagi kvöldsins.
Áætlað er að bardagi Conor og Floyd byrji í allra fyrsta lagi kl 3:00 (ef bardagarnir á undan klárast allir snemma) en líklegast verður það ekki fyrr en kl 4:00. Bardagaaðdáendur ættu því að búa sig undir langa en skemmtilega nótt.
Aðalhluti bardagakvöldsins (hefst kl 1 á Stöð 2 Sport)
Ofur veltivigt (154 pund): Floyd Mayweather Jr. gegn Conor McGregor
Laufléttvigt (130 pund): Gervonta Davis gegn Francisco Fonseca
Léttþungavigt (175 pund): Nathan Cleverly gegn Badou Jack
Krúservigt (200 pund): Andrew Tabiti gegn Steve Cunningham
FOX upphitunarbardagar (hefjast kl 23)
Veltivigt (147 pund): Thomas Dulorme gegn Yordenis Ugás
Veltivigt (147 pund): Juan Heraldez gegn Jose Miguel Borrego
Ofur millivigt (168 pund): Kevin Newman gegn Antonio Hernandez
Ofur millivigt (168 pund): Savannah Marshall gegn Sydney LeBlanc
Stöð 2 Sport sýnir aðalhluta bardagakvöldsins og verður upphitunarþátturinn Búrið sýndur fyrir bardagakvöldið. Þátturinn verður einnig á fimmtudags- og föstudagskvöld og verður að auki sérstök upphitun í beinni skömmu fyrir bardagana.
