UFC er með bardagakvöld í Las Vegas í kvöld. Í aðalbardaga kvöldsins mætast þeir Dominick Reyes og Jiri Prochazka en hér má sjá hvenær bardagarnir byrja.
Aðalbardagi kvöldsins er mikilvægur fyrir léttþungavigtina. Dominick Reyes vill ólmur vinna sig upp í annan titilbardaga eftir að hafa verið rotaður gegn Jan Blachowicz í sínum síðasta titilbardaga. Eftir tvö töp í röð þarf hann að rífa sig upp. Jiri Prochazka átti frábæra frumraun í UFC í fyrra og gæti fengið næsta titilbardaga með sigri.
Fyrsti bardagi kvöldsins hefst kl. 23:00 en aðalhluti bardagakvöldsins hefst kl. 2:00. Allir bardagarnir eru sýndir á Fight Pass rás UFC en aðalhluti bardagakvöldsins er líka sýndur á Viaplay.
Aðalhluti bardagakvöldsins (hefst kl. 2:00)
Léttþungavigt: Dominick Reyes gegn Jiří Procházka
Fjaðurvigt: Giga Chikadze gegn Cub Swanson
Léttþungavigt: Ion Cuțelaba gegn Dustin Jacoby
Millivigt: Sean Strickland gegn Krzysztof Jotko
Bantamvigt: Merab Dvalishvili gegn Cody Stamann
Hentivigt (128,5 pund*): Poliana Botelho gegn Luana Carolina
ESPN2 / ESPN+ upphitunarbardagar (hefjast kl. 23:00)
Strávigt kvenna: Randa Markos gegn Luana Pinheiro
Fjaðurvigt: Kai Kamaka III gegn T.J. Brown
Strávigt kvenna: Loma Lookboonmee gegn Sam Hughes
Millivigt: Andreas Michailidis gegn KB Bhullar
Fjaðurvigt: Luke Sanders gegn Felipe Colares
*Luana Carolina náði ekki vigt
