Jeremy Stephens varð fyrir barðinu á frægum ummælum Conor McGregor fyrir ári síðan. Það tók ár að svara til baka en svarið var ansi gott.
Á sérstökum blaðamannafundi fyrir UFC 205 í fyrra voru allar stjörnur bardagakvöldsins samankomnar á stóra sviðinu. Er Conor var spurður hver af bardagamönnunum á sviðinu myndi veita honum erfiðasta bardagann skaut Jeremy Stephens inn í að það væri hann. Conor svaraði um hæl og spurði hver í fjandanum þetta væri eins og frægt er.
Þessi setning hefur fylgt báðum bardagamönnum síðan þá og voru þetta ein af frægustu ummælum Conor.
Jeremy Stephens kom með frábært svar í gær á Twitter þar sem hann stillir sér upp með mömmu Conor McGregor.
#YourMomKnowsWhoDaFook
?? pic.twitter.com/MoLvNr7XV9— Jeremy Stephens (@LiLHeathenMMA) September 21, 2017
Jeremy Stephens berst í fjaðurvigt UFC en þar var Conor McGregor meistari er blaðamannafundurinn fór fram. Hann hefur síðan þá verið sviptur titlinum en er ennþá léttvigtarmeistari UFC.
