John Kavanagh átti auðvitað vera í horninu hjá Gunnari fyrir bardaga hans gegn Leon Edwards. Nú hefur Kavanagh sagt að hann komist ekki og verði fastur á Heathrow.
John Kavanagh var staddur í Manila á Filippseyjum um helgina þar sem hann var í horninu hjá einum bardagamanna sinna, Cian Cowley. Kavanagh átti að koma til London í dag þar sem hann myndi vera í horninu hjá Gunnari líkt og í öllum hans bardögum.
Well due to torturous delays I’ll be watching Gunnis fight from Heathrow, not going to make it ?
Here’s my #UFCLondon predictions anyway, who you got? pic.twitter.com/Q80tu7qdeK— Coach Kavanagh (@John_Kavanagh) March 16, 2019
Nú hefur Kavanagh sagt að hann komist ekki í tæka tíð og muni horfa á bardagann frá Heathrow. Kavanagh átti að lenda í London nokkrum klukkutímum fyrir bardaga Gunnars en tafir á fluginu valda því að hann mun ekki ná í tæka tíð.
Sennilega mun Matthew Miller, glímuþjálfari Gunnars, stíga inn og vera í horninu hjá Gunnari í staðinn. Miller átti upphaflega að vera baksviðs að hita Gunnar upp en svo áttu þeir Kavanagh, Haraldur Dean Nelson (faðir Gunnars) og Luka Jelcic að sjá um hornaskyldur. Það er þó ekki staðfest að Miller verði í horninu en hugsanlega verður Gunnar bara með tvo hornamenn enda ekki skylda að vera með þrjá hornamenn.
