UFC hefur staðfest endurkomu Jon Jones í búrið. Hann mun berjast við Alexander Gustafsson um léttþungavigtarbeltið á UFC 232 í Las vegas þann 29. sesember.
Daniel Cormier mun láta léttvigtarbeltið af hendi og einbeita sér að þungavigtartitilvörn sinni í næsta mánuði. Þetta er endurat frá einum erfiðasta bardaga Jon Jones í UFC en hann sigraði Gustafsson á UFC 165 eftir 5 lotu dómaraákvörðun í einum besta bardaga í sögu UFC.
Jones hefur nýlega afplánað 15 mánaða langt lyfjabann eftir að hann féll á lyfjaprófi eftir bardaga sinn við Cormier á UFC 214 en upphaflega var gert ráð fyrir að minnsta kosti tveimur árum. Þrátt fyrir lyfjamisferli Jones er styttra síðan hann barðist heldur en Gustafsson. Alexander Gustafsson hefur ekki barist síðan í maí 2017 en þá rotaði hann Glover Texeira í fimmtu lotu í bardaga þeirra í Svíþjóð.
Bardaginn hefur ekki verið staðfestur af UFC en þónokkrir miðlar hafa greint frá bardaganum.
Breaking: Jon Jones vs. Alexander Gustafsson 2 is set for UFC 232 on Dec. 29 in Las Vegas. More: pic.twitter.com/sB49isFzFZ
— Ariel Helwani (@arielhelwani) October 10, 2018
Jon Jones vs. Alexander Gustafsson 2 is official for UFC 232 on Dec. 29. @arielhelwani first reported. Good lord. What a card, what a fight.
— Shaheen Al-Shatti (@shaunalshatti) October 10, 2018
Eins og áður hefur komið fram mun bardagi Cris ‘Cyborg’ og Amöndu Nunes fara fram sama kvöld þar sem fjaðurvigtartitill Cyborg verður í húfi. Þá vonast Gunnar Nelson til að fá bardaga á kvöldinu en er ekki kominn með andstæðing enn sem komið er.
