Enn bætist við slæmu fréttirnar af UFC 187. Fyrr í vikunni Jon Jones í hremmingum við lögin og var sviptur titlinum sem breytti aðalbardaga kvöldsins umtalsvert. Nú er Khabib Nurmagomedov meiddur og keppir ekki á UFC 187.
Hinn ósigraði Khabib Nurmagomedov hefur slasast og getur ekki keppt gegn Donald Cerrone. Fyrstu fregnir virðast benda til að um rif á liðþófa sé að ræða. Nurmagomedov hefur áður rifið liðþófa sem hefur haldið honum frá keppni síðan í apríl 2014. Óvíst er hve lengi Nurmagomedov verður frá.
Miklar eftirvæntingar voru fyrir þessum bardaga og var talað um að sigurvegarinn myndi keppa gegn Rafael dos Anjos um léttvigtartitilinn. Fulltrúar UFC eru nú að reyna finna staðgengil fyrir Nurmagomedov en óvíst er hver getur komið í hans stað. Ekki er hægt að segja með vissu hvað þetta þýðir fyrir Cerrone en fari hann með sigur af hólmi verður það hans áttundi sigur í röð. Líklega myndi hann því fá tækifæri á titilbardaga með sigri.
Khabib Nurmagomedov og Anthony Pettis hafa lengi eldað grátt silfur saman og hafði Pettis þetta að segja um meiðslin.
@TeamKhabib karma is a bitch hope that disability pays well!!!
— Anthony Pettis (@Showtimepettis) April 30, 2015
