Kolbeinn Kristinsson keppti sinn fyrsta atvinnubardaga í Bandaríkjunum í nótt. Þetta var sjötti sigur Kolbeins eftir rothögg sem atvinnumaður.
Hnefaleikakappinn Kolbeinn Kristinsson samdi nýlega við Salita Promotions. Hans fyrsti bardagi á þeirra vegum var gegn Dell Long (6-5-2 fyrir bardagann) í Iowa í gær.
Kolbeinn sigraði með rothöggi í 2. lotu og er nú 12-0 sem atvinnumaður í þungavigtinni.
Kolbeinn vonast eftir öðrum bardaga sem fyrst og verður gaman að sjá hvað hann gerir á þessu ári.
