Kolbeinn Kristinsson vann í kvöld sinn 11. bardaga í hnefaleikum. Kolbeinn kláraði bardagann með tæknilegu rothöggi í 2. lotu.
Kolbeinn mætti Ungverjanum Gyorgy Kutasi í Ungverjalandi fyrr í kvöld. Kolbeinn berst í þungavigt og var þetta 11. atvinnubardagi hans í hnefaleikum.
Kolbeinn sló Kutasi tvisvar niður í 1. lotu og svo aftur tvisvar niður í 2. lotu sem varð til þess að dómarinn stöðvðaði bardagann. Kolbeinn sigraði því eftir tæknilegt rothögg og er hann núna 11-0 sem atvinnumaður. Þetta var fimmti sigur hans eftir rothögg og fær Kolbeinn vonandi fljótt bardaga aftur.
