Magnús Ingi Ingvarsson hefur því miður þurft að bakka úr bardaga sínum á FightStar um næstu helgi. Magnús átti að berjast um léttvigtartitil FightStar.
Magnús Ingi meiddist í hnénu í síðustu viku og eftir skoðun lækna var honum ráðlagt að draga sig úr bardaganum. Þetta eru mikil vonbrigði fyrir Magnús en hann mun engu að síður fara á bardagakvöldið til að fylgjast með bróður sínum, Bjarka Thor Pálssyni.
Bjarki Thor mætir Alan Procter á FightStar 9 bardagakvöldinu í London þann 29. apríl. Þetta er endurat þeirra frá því í desember en þá sigraði Bjarki eftir að Procter var dæmdur úr leik eftir ólöglegt hnéspark.
Magnús átti að mæta Neri Gelezi frá Frakklandi en vonandi verður Magnús fljótur að jafna sig á meiðslunum.
*Uppfært*
Ekki var um hnémeiðsli að ræða heldur ofþjálfun. Sjá nánar hér:
