Max Holloway getur ekki mætt Khabib Nurmagomedov á UFC 223 eins og til stóð. Niðurskurðurinn reyndist of erfiður og hefur hann beðið Khabib afsökunar.
Fjaðurvigtarmeistarinn Max Holloway mun ekki berjast við Khabib Nurmagomedov á morgun um léttvigtartitilinn. Vigtunin fór fram í morgun og var Khabib snemma búinn að vigta sig inn. Max Holloway lét hins vegar ekki sjá sig og gaf UFC það út að hann myndi ekki vigta sig inn. Læknar töldu það óráðlegt að hann myndi skera meira niður og var honum meinað að keppa.
Holloway bað Khabib afsökunar og segist hafa viljað halda áfram að skera niður en læknarnir komu í veg fyrir það.
. @TeamKhabib my brother I want to keep going but they are stopping me. Sorry to your team and the fans. You don’t deserve this. This is number one. Shout outs to you and @Showtimepettis . Give the fans what they deserve
— Max Holloway (@BlessedMMA) April 6, 2018
Talið var að Anthony Pettis kæmi inn í staðinn en það er enn óvíst á þessari stundu.
