Leikarinn Mickey Rourke sigraði Elliot Seymour í hnefaleikabardaga í Rússlandi um síðustu helgi. Samkvæmt breska æsifréttamiðlinum Daily Mail var Seymour greitt fyrir að tapa fyrir Rourke en Seymour þverneitar því.
Það kom mörgum á óvart að Rourke, sem er þekktastur fyrir leik í Hollywood-kvikmyndum og hefur ekki boxað síðan á 10. áratug, skyldi taka bardaga nú þegar hann er orðinn 62 ára gamall. Rourke sigraði Seymour þó í annarri lotu eftir slakan bardaga. Bardaginn var flokkaður sem æfingabardagi, svo hann var ekki skráður á bardagaferil Rourke (6-0-2) né Seymour (1-9). Upptaka af endalokum bardagans gefur þá mynd að bardaginn hafi verið afar óraunverulegur:
Daily Mail segir Seymour vera „svo gott sem heimilislausan“, hann æfi í sama bardagaklúbbi og Rourke og hafi verið fluttur til Rússlands sérstaklega til að tapa þessum bardaga. Heimildamaður Daily Mail, sem segist nákominn Seymour, segir að hann „væri hissa ef [fólkið í kringum Rourke] vissi ekki eitthvað um ástandið hjá Seymour, en þeir hafa ákveðið að setja hann í hringinn“. Heimildamaðurinn segir að Seymour glími við geðræn vandamál og fari líklega aftur á götuna þegar hann snýr heim. Hann segir að Seymour hafi átt að gefast upp í 4. lotu.
Í samtali við TMZ á mánudag neitaði Seymour því að bardaginn væri falsaður og sagði að hann hefði bara haft mánuð til að æfa. Hann staðfesti að hann væri í fjárhagsvanda og hefði búið á götunni upp á síðkastið en segir að sér hafi verið greitt til að berjast, ekki tapa. Hann birti einnig mynd á Facebook-síðu sinni af launum sínum.
TMZ segir þetta vera um 3000 dollarar.
- UFC 194: Ronaldo ‘Jacare’ Souza gegn Yoel Romero - December 9, 2015
- Mark Hunt segir frá hræðilegri æsku: „Pabbi var miskunnarlaus“ - November 12, 2015
- Bellator 145: Vengeance er í kvöld - November 6, 2015
Rusl.
00:58 og 1:20 LOL!