Miðasala á UFC bardagakvöldið í Liverpool hefst í vikunni. Gunnar Nelson mætir Neil Magny í næstsíðasta bardaga kvöldsins í Liverpool.
Mikil eftirvænting ríkir fyrir bardagakvöldinu en heimamaðurinn Darren Till mætir Stephen ‘Wonderboy’ Thompson í aðalbardaga kvöldsins. Hart verður slegist um miðana og verður miðasalan þrískipt.
Miðvikudaginn 11. apríl hefst sérstök forsala fyrir þá sem eru í aðdáendaklúbbi UFC (UFC Fight Club). Hægt er að gerast meðlimur í klúbbnum hér en árgjaldið eru um 150 dollarar (Elite) eða 85 dollarar (Ultimate). Forsalan hefst kl. 9 á íslenskum tíma.
Fimmtudaginn 12. apríl hefst svo forsala fyrir þá sem eru áskrifendur af fréttabréfi UFC (UFC Newsletter). Ekkert kostar að gerast áskrifandi (sjá hér) og ættu allir að gerast áskrifendur sem vilja tryggja sér miða áður en almenn miðasala hefst. Áskrifendur fá sendan kóða sem þeir nota til að komast í forsöluna. Forsalan hefst kl. 9 á íslenskum tíma.
Föstudaginn 13. apríl kl. 9 hefst svo almenn miðalasala en hlekkur á miðasöluna birtist hér þegar miðasala opnar. Miðað við áhugann á kvöldinu og hve margir miðar seljast í forsölunni er líklegt að miðarnir fari fljótt.
Bardagakvöldið fer fram sunnudaginn 27. maí í Echo Arena í Liverpool.
