Cole Miller mætti Jim Alers á UFC on Fox 17 bardagakvöldinu á laugardaginn. Þegar hann gekk í búrið þekkti myndatökumaðurinn ekki Miller og beindi myndavélinni að röngum manni.
Myndatökumaðurinn beindi myndavélinni fyrst að Micah Miller, sem er bróðir Cole Miller. Það var ekki fyrr en Micah benti myndatökumanninum á að hann væri að beina vélinni að röngum manni sem hann áttaði sig á mistökunum.
Þessi mistök ættu kannski ekki að koma alltof mikið á óvart enda klæðast allir bardagamennirnir í UFC sama Reebok gallanum.
