Ben Askren er mættur til London til að fylgjast með bardagakvöldinu þar um helgina. Í stuttu myndbandi spáir Askren í tvo stærstu bardaga helgarinnar.
Ben Askren er kominn inn í veltivigt UFC eftir umdeildan sigur á Robbie Lawler fyrr í mánuðinum. Hann er nú kominn yfir til London þar sem hann ætlar að fylgjast með bardögum helgarinnar og er aðalbardagi kvöldsins sérstaklega áhugaverður fyrir Askren. Askren hefur átt í útistöðum við Darren Till og Jorge Masvidal á samfélagsmiðlum og hefur sagt að hann vilji mæta sigurvegara morgundagsins.
Á morgun mætast auðvitað líka þeir Gunnar Nelson og Leon Edwards. Í stuttu myndbandi sem UFC birti á Instagram spáir Askren í tvo stærstu bardaga helgarinnar og þar spáir hann Gunnari sigri gegn Edwards.
View this post on Instagram
@benaskren is in the country! He makes his predictions for #UFCLondon tomorrow! Agree?
