Conor McGregor var fyrr í dag leiddur út í handjárnum. Conor var fluttur frá lögreglustöð í New York og yfir í dómssal þar sem mál hans verður tekið fyrir síðar í dag.
Conor McGregor er í vondum málum eftir hegðun hans í gær. Conor eyddi síðustu nótt í fangageymslu eftir að hafa gefið sig fram við lögreglu. MMA bardagamaðurinn og liðsfélagi Conor, Cian Cowley, á einnig yfir höfði sér kæru.
Conor hefur verið ákærður í þremur liðum fyrir líkamsárás og einum ákærulið fyrir eignaspjöll. Cowley á yfir höfði sér einn ákærulið fyrir líkamsárás og einn ákærulið fyrir eignaspjöll en báðir fara fyrir dómara í dag í New York. Þar verður tekin ákvörðun um áframhald málsins.
JUST IN: #UFC star Conor McGregor walked out of police station in #NewYorkCity after backstage melee he allegedly instigated pic.twitter.com/h8MUGhJDKr
— WBZ | CBS Boston News (@wbz) April 6, 2018
