Daniel Cormier var gestur hjá Conan O’Brien í vikunni. Cormier tókst þar með að enda hálfgerða bölvun sem virtist ríkja hjá þeim bardagamönnum sem mættu í þátt hans.
Conan fær einstaka sinnum til sín bardagamenn hjá UFC fyrir stóra bardaga. Ronda Rousey, Conor McGregor og Nate Diaz hafa mætt til hans á undanförnum árum en alltaf tapað sínum næsta bardaga eftir viðtalið.
Cormier var bókaður í þátt Conan fyrir bardagann gegn Stipe Miocic og var næstum því búinn að hætta við að mæta út af þessari svokölluðu bölvun. Hann ákvað þó að láta slag standa og rotaði svo Stipe Miocic um síðustu helgi. Með sigrinum hefur hann bundið enda á þessa bölvun á MMA gestum Conan.
