Quinton ‘Rampage’ Jackson heldur áfram að fara á kostum á Twitch streymi sínu. Rampage hringdi í fyrrum erkióvin sinn, Rashad Evans, og áttu þeir gott spjall.
Þeir Rampage og Evans þjálfuðu andspænis hvor öðrum í 10. seríu The Ultimate Fighter. Þar var oft heitt í hamsi á milli þeirra en kapparnir mættust síðar þar sem Evans fór með sigur af hólmi.
Í dag virðist ekki vera nein illindi milli þeirra og töluðu þeir saman eins og gamlir vinir. Rampage hrósaði Evans fyrir frammistöðu hans gegn Ryan Bader um síðustu helgi þrátt fyrir tapið.
Rampage hringdi fyrr í vikunni ölvaður í fjölmiðlamanninn Ariel Helwani.
https://www.youtube.com/watch?v=PV1djSJb9BM
