Fyrir bardaga Max Holloway og Dustin Poirier var ekkert skítkast á milli. Það sama var uppi á teningnum eftir bardagann.
Það er orðið ansi algengt að andstæðingar í MMA ausi fúkyrðum yfir hvorn annan fyrir bardagann. Það er þó ennþá hægt að sjá bardagamenn sem koma bara til að berjast eins og þeir Max Holloway og Dustin Poirier. Allan tímann var mikil virðing í garðs hvors annars þeirra á milli og þá sérstaklega eftir bardagann.
Bardaginn var magnað fimm lotu stríð þar sem Dustin Poirier fór með sigur af hólmi. Hér má sjá áhugaverð orðaskipti þeirra á milli strax eftir bardagann. Poirier baðst meira að segja afsökunar að hafa blótað Holloway á föstudaginn.
