Nate Diaz hefur sótt um keppnisleyfi í boxi í Nevada fylki. Nate Diaz gæti verið á leið í boxið en hann er ekki sáttur með sína stöðu í UFC.
Þetta kemur fram á vef ESPN en auk þess að sækja um keppnisleyfið borgaði Diaz 50.000 dollara sektina sem skuldaði. Sektina fékk hann fyrir sinn þátt í flöskukaststríðinu á blaðamannafundinn fyrir UFC 202 í ágúst.
Ferlið er komið langt á leið en Diaz hefur ekkert barist síðan hann tapaði fyrir Conor McGregor á UFC 202 í besta bardaga síðasta árs. Að sögn Diaz hefur hann ekki áhuga á að berjast nema það sé gegn Conor McGregor.
Boxarinn Floyd Mayweather Jr. ræddi við Nate Diaz á dögunum þar sem Diaz talaði um hve ósáttur hann væri með stöðu sína í UFC og hve fá tækifæri hann fengi. „Þegar ég talaði við Nate Diaz sagði hann mér að UFC hefði sett sig á hilluna. Hann sagðist vera til í að berjast en UFC heldur honum á hliðarlínunni. Nate Diaz talaði meira að segja um að fara í boxið,“ sagði Floyd við ESPN.
Nate Diaz er ekki eini bardagamaðurinn í UFC sem sótt hefur um keppnisleyfi í boxi nýlega en Conor McGregor fékk keppnisleyfi í boxi í Kaliforníu í fyrra.
