0

Orðrómur: Rafael dos Anjos og Colby Covington berjast um bráðabirgðartitil í Brasilíu

Samkvæmt nýjustu orðrómunum munu þeir Rafael dos Anjos og Colby Covington berjast um bráðabirgðartitilinn í veltivigtinni. Bardaginn á að fara fram á UFC 224 í Brasilíu þann 12. maí.

UFC hefur ekki staðfest bardagann en fjölmargir áreiðanlegir fréttamenn hafa greint frá bardaganum. Veltivigtarmeistarinn Tyron Woodley fór undir hnífinn í byrjun árs og hefur sagt að hann yrði ekki tilbúinn til að snúa aftur í búrið fyrr en í júlí. Woodley hefur ekki barist síðan hann sigraði Demian Maia í júlí í fyrra.

Þrátt fyrir að stutt sé í endurkomu meistarans virðist UFC hafa ákveðið að skella saman enn einu bráðabirgðarbeltinu. Rafael dos Anjos hefur unnið alla þrjá bardaga sína síðan hann fór upp í veltivigt. Þessi fyrrum léttvigtarmeistari sigraði Robbie Lawler nú síðast í desember. Colby Covington hefur ekkert barist síðan hann sigraði Demian Maia í október. Sigurinn markaði fimmta sigur Covington í röð í veltivigt UFC.

Nokkur stífla hefur verið í veltivigtinni undanfarið en sem stendur er aðeins einn bardagamaður á topp 15 styrkleikalistanum með staðfestan bardaga. Það gæti breyst á næstu dögum og vonandi fær Gunnar Nelson bardaga á næstu dögum.

UFC, Covington eða dos Anjos hafa ekki staðfest bardagann svo enn er aðeins um orðróm að ræða.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Latest posts by Pétur Marinó Jónsson (see all)

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.