![Mynd: Kjartan Páll Sæmundsson.](https://i0.wp.com/mmafrettir.is/wp-content/uploads/2014/10/UFCStockholm2014-111.jpg?resize=640%2C426&ssl=1)
Erick Silva og Rick Story mætast á úrslitakvöldi The Ultimate Fighter: Brazil þann 27. júní í Sao Paulo. Rick Story hefur ekki keppt síðan hann sigraði okkar mann, Gunnar Nelson, í Svíþjóð á síðasta ári.
Rick Story ökklabrottnaði í 2. lotu gegn Gunnari Nelson og þurfti á aðgerð að halda. Hann hefur tekið því rólega síðan en er nú kominn á fullt ról.
Báðir menn hafa átt mjög brotakenndan feril í UFC. Erick Silva hafði ekki sigrað tvo bardaga í röð eftir komu sína í samtökin fyrr en hann sigraði Josh Koscheck nú í mars. Þetta er svipuð saga og hjá Rick Story en ferill hans hefur verið mjög sveiflusamur og er hann á tveggja sigra sigurgöngu í fyrsta skipti í fjögur ár. Það ber þó að hafa í huga að tvö af síðustu töpum hans komu eftir klofnar dómaraákvarðanir sem hefðu hæglega getað dottið réttu megin fyrir Story.
Rick Story er mun hærra settur á styrkleikalista UFC þar sem hann heldur 11. sæti en Silva er ekki einu sinni á topp 15 listanum. Líkt og sex af síðustu sjö bardögum hans er Silva á heimavelli.
Fyrsta lotan mun hafa margt að segja í þessum bardaga. Allir sigrar Erick Silva hafa komið í fyrstu lotu á meðan þrjú af hans síðustu töpum hafa komið í 2. eða 3. lotu. Bardaginn er aðalbardagi kvöldsins og því fimm lotur. Það verður því mikilvægt fyrir Story að lifa af fyrstu lotuna og þá snarhækka sigurlíkur hans.