Santiago Ponzinibbio vonast eftir endurkomu í haust eftir tveggja ára fjarveru

Santiago Ponzinibbio hefur verið frá búrinu í tæp tvö ár vegna sýkingar. Hann býst við að snúa aftur í búrið í haust.

Santiago Ponzinibbio hefur unnið sjö bardaga í röð í veltivigt UFC – þar á meðal er umdeildur sigur gegn Gunnari Nelson árið 2017. Hann barðist síðast í nóvember 2018 þegar hann sigraði Neil Magny í Argentínu á heimavelli.

Síðan þá hefur Ponzinibbio barist við blóðsýkingu sem hefur haldið honum frá æfingum og keppni.

Í júní 2019 fékk Ponzinibbio bakteríu sýkingu í hnénu og þurfti umsvifalaust að fara í aðgerð. Ponzinibbio dvaldi í viku á spítala eftir aðgerðina en skömmu eftir að hann kom heim þurfti hann að fara aftur á spítalann. Ponzinibbio brást illa við lyfjagjöf og þurfti því að dvelja á spítala í viku.

View this post on Instagram

Hola amigos, estuve ausente de las redes sociales porque tuve una cirugía de emergencia y tuve que pasar una semana en el hospital, pero ya estoy trabajando en la recuperación. Les Dejo este divertido video de cuando me desperté de la anestesia y no entendía nada 🤣🤣// Hello friends, I have been absent from social media recently because I had emergency surgery and had to spend a week in the hospital but I’m in recovery mode. I’ll leave this funny video of when I woke up from anesthesia 🤣🤣 #teamponzinibbio #argentinogenteboa #ufc #welterweight

A post shared by Santiago Ponzinibbio (@sponzinibbiomma) on Jun 2, 2019 at 8:55pm PDT

Ponzinibbio átti síðan að mæta Robbie Lawler í desember 2019 en þurfti að draga sig úr bardaganum vegna sýkingar. Ponzinibbio segist núna vera orðinn heill heilsu og vonast eftir bardaga í haust. Hann hefur samið við umboðsmanninn umdeilda Ali Abdelaziz og gæti fengið stóran bardaga í endurkomu sinni.

Exchanged a few text messages with UFC welterweight Santiago Ponzinibbio (@SPonzinibbioMMA) tonight. He said he has signed new management, Ali Abdelaziz (@AliAbdelaziz00), and he's asking for a fight in Aug/Sept. Hasn't fought since Nov. 2018 due to a bad staph infection.

— Brett Okamoto (@bokamotoESPN) June 30, 2020