Samkvæmt heimildum MMA Frétta sauð næstum upp úr milli Conor McGregor og Jose Aldo baksviðs í vigtuninni í dag.
Conor McGregor var á undan Jose Aldo í röðinni á leið upp á svið í vigtun. Þegar McGregor sá Aldo byrjaði hann strax að öskra á hann og ögra honum með írska fánann á bakinu. McGregor öskraði á Aldo og sagðist „geta lamið þá alla“ og benti á alla liðsfélaga Aldo.
Þá ætlaði allt að sjóða upp úr áður en öryggisgæslan bað liðsfélaga Aldo um að yfirgefa svæðið. Fljótlega eftir þetta róaðist ástandið. Þessi skrílslæti og hróp og köll McGregor til Aldo ættu svo sem ekki að koma mörgum á óvart.
