Írska söngkonan Sinead O’Connor mun flytja lagið The Foggy Dew í MGM Grand Arena á meðan Conor McGregor gengur í búrið á UFC 189. Þetta staðfesti hún á Facebook síðu sinni í dag.
O’Connor er þekktust fyrir flutning sinn á laginu Nothing Compares 2 U en það lag verður þó ekki fyrir valinu að þessu sinni. Conor McGregor hefur áður gengið í búrið undir tónum The Foggy Dew en þetta verður þó í fyrsta sinn sem hann gengur í búrið undir lifandi flutningi lagsins. O’Connor mun því syngja hann í búrið.
Lagið The Foggy Dew hefur fylgt Conor McGregor um skeið. Innganga McGregor byrjar yfirleitt á laginu en breytist svo í Hypnotize með Biggie Smalls.
