0

Stipe Miocic ætlar ennþá að starfa sem slökkviliðsmaður

mark hunt stipeÞungavigtarmeistarinn Stipe Miocic ætlar að halda áfram að starfa sem slökkviliðsmaður meðfram bardagaferlinum. Þetta kom fram á blaðamannafundinum eftir UFC 198 í gær.

Stipe Miocic rotaði Fabricio Werdum í 1. lotu í gær og varð þar með nýr þungavigtarmeistari UFC.

Miocic hefur alltaf starfað sem slökkviliðsmaður meðfram bardagaferlinum og var hann spurður hvort hann muni halda því áfram núna þegar hann er orðinn meistari. „Ég ætla ekki að breyta uppskriftinni. Ég elska að vera slökkviliðsmaður, ég elska að hjálpa fólki. Ég er meistarinn en ég ætla ekki að breytast. Ég nýt þess að hjálpa fólki,“ sagði Miocic í gær.

Miocic er í hlutastarfi sem slökkviliðsmaður og sjúkraliði og getur ekki hugsað sér að hætta því þrátt fyrir að vera þungavigtarmeistari UFC. Það er ekki annað hægt en að dáðst dálítið að nýja þungavigtarmeistaranum.

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.