Matt Brown mætti Demian Maia í gær á UFC 198. Á leið sinni í búrið var hann sleginn þrisvar af aðdáendum.
Í vigtuninni á föstudaginn sendi hann áhorfendum fingurinn. Það var auðvitað ekki vinsælt meðal brasilísku aðdáendanna sem hrópuðu „uh vai morrer“ sem þýðir „þú munt deyja“.
45.000 áhorfendur voru í höllinni í Curitiba í Brasilíu í gær. Þegar Matt Brown gekk í búrið var hann þrívegis sleginn af áhorfendum. Í þriðja skiptið brást hann illa við eins og sjá má hér að neðan.
Á blaðamannafundinum eftir UFC 198 í gær sagði starfsmaður UFC að þessum aðilum hefði verið vísað úr höllinni.
Demian Maia hafði mikla yfirburði yfir Matt Brown í gær og kláraði með hengingu þegar 30 sekúndur voru eftir af bardaganum.
