0

Sunna Rannveig vonarstjarna ársins að mati MMA Viking

Sunna Rannveig Davíðsdóttir var fyrr í kvöld valin vonarstjarna ársins að mati Norræna vefsins MMA Viking.

MMAViking.com veitir árlega viðurkenningar fyrir afrek ársins hjá bardagafólki á Norðurlöndum. Sunna Rannveig var að mati vefsins svo kallaður „Breakthrough fighter of the year“.

Sunna Rannveig átti góðu gengi að fagna á þessu ári. Hún byrjaði á að sigra Mallory Martin í mars í frábærum bardaga. Í júlí sigraði hún svo Kelly D’Angelo og er hún nú með þrjá sigra í jafn mörgum bardögum í Invicta bardagasamtökunum.

Sunna stefndi á að taka fleiri bardaga á þessu ári en handarmeiðsli komu í veg fyrir fleiri bardaga. Nú er hún á góðum batavegi og stefnir á að hefja æfingar af fullum krafti snemma á næsta ári.

Sunna Rannveig hlaut mikla athygli fyrir framgöngu sína á árinu og fylgdist stór hluti þjóðarinnar með bardögum hennar á árinu.

MMA Viking hefur veitt verðlaunin árlega frá 2012 en þess má geta að Gunnar Nelson hlaut sömu verðlaun árið 2012. Sunna Rannveig hlaut einnig verðlaunin bardagakona ársins að mati vefsins í fyrra.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply