UFC 241 fer fram um helgina þar sem nokkrir mjög áhugaverðir bardagar eiga sér stað. Í nýjasta Tappvarpinu hituðum við vel upp fyrir helgina.
Í 72. þætti Tappvarpsins var byrjað á að fara yfir síðustu helgi þegar Valentina Shevchenko sigraði Liz Carmouche eftir dómaraákvörðun í slöppum bardaga.
Bardagakvöldið er talsvert meira spennandi á pappírum heldur en síðasta bardagakvöld UFC. Í aðalbardaga kvöldsins mætast þeir Daniel Cormier og Stipe Miocic um þungavigtartitilinn en Miocic hefur ekki barist síðan hann tapaði beltinu til Cormier.
Í næstsíðasta bardaga kvöldsins snýr Nate Diaz aftur eftir þriggja ára fjarveru. Diaz mætir Anthony Pettis í veltivigt og verður áhugavert að sjá Diaz aftur.
Þá munu þeir Paulo Costa og Yoel Romero mætast í hörku bardaga í millivigt og stefnir því allt í spennandi bardagakvöld eins og farið var yfir í þættinum. Allan þáttinn má hlusta á hér að neðan.
