UFC 241 fer fram á laugardaginn og er bardagakvöldið ansi veglegt. Barist verður um þungavigtartitilinn og þá mun Nate Diaz snúa aftur eftir langa fjarveru.
Þungavigtarmeistarinn Daniel Cormeir tók titilinn af Stipe Miocic í júlí í fyrra. Miocic hefur ekki barist síðan og fær nú tækifæri á að endurheimta titilinn.
Nate Diaz snýr loksins aftur í búrið á laugardaginn. Diaz barðist síðast þann 20. ágúst 2016 þegar hann tapaði fyrir Conor McGregor og spurning hvernig hann kemur til leiks eftir langa fjarveru. Anthony Pettis barðist sinn fyrsta bardaga í veltivigt fyrr á árinu þegar hann rotaði Stephen Thompson. Þetta ætti að verða mjög flottur bardagi!
Þáttinn í heild sinni má sjá svo hér.
