Lífið er frekar rólegt í bardagavikunni í London. Gunnar hefur gegnt þónokkrum fjölmiðlaskyldum í vikunni og tekið æfingar á kvöldin.
Dansmyndband Mjölnis hefur hlotið mikla athygli enda Gunnar þar í forgrunni. Gunnar tók opna æfingu fyrir framan aðdáendur á miðvikudaginn og á fimmtudaginn var svo fjölmiðladagur.
Bardaginn er svo á morgun en Gunnar var í tilsettri þyngd í morgun eins og við var að búast. Nánar má sjá frá niðurskurðinum í næsta Grind þætti.
