Þorgrímur Þórarinsson var rétt í þessu að vinna millivigtartitil Caged Steel bardagasamtakanna. Þorgrímur sigraði Matt Hogdson eftir dómaraákvörðun.
Þorgrímur Þórarinsson var fyrir bardagann veltivigtarmeistari Caged Steel en barðist í millivigt í fyrsta sinn í kvöld. Bardaginn var hreint út sagt ekki mikið fyrir augað. Bardaginn fór að mestu leyti fram upp við búrið þar sem Þorgrímur hélt andstæðingnum pikkföstum og reyndi að taka niður.
Hogdson gat lítið ógnað Þorgrími í bardaganum enda fastur upp við búrið allan tímann. Í 2. lotu náði Þorgrímur góðri fellu en Hogdson kom sér fljótlega aftur á fætur. Allar loturnar voru keimlíkar og var bardaginn kannski ekki sá skemmtilegasti fyrir áhorfendur. En Þorgrímur kom inn með góða leikáætlun og hélt sig við þá áætlun sem skilaði honum sigri.
Þorgrímur er þar með tvöfaldur meistari í Caged Steel bardagasamtökunum, veltivigtar- og millivigtarmeistari bardagasamtakanna. Virkilega vel af verki staðið hjá Þorgrími!
