Þrír Íslendingar kepptu á Grappling Industries mótinu í Amsterdam um helgina. Afrakstur helgarinnar eru þrenn verðlaun.
Þeir Þórhallur Ragnarsson, Bjarki Jóhannsson og Sigmar Andri kepptu á mótinu fyrir hönd Mjölnis. Þórhallur Ragnarsson keppti í -95 kg flokki brúnbeltinga masters (30-35 ára) þar sem hann tók brons í gi og silfur í nogi (án galla) eftir þrjár glímur í hvorum flokki.
Bjarki Jóhannsson keppti í -68 kg flokki fjólublábeltinga þar sem hann tók brons í gi en gat ekki keppt í nogi vegna meiðsla. Sigmar Andri keppti í -84 kg flokki blábeltinga en komst ekki á pall eftir hörku glímur. Á Grappling Industries mótunum keppa allir við alla í flokkunum (round robin) og því fá allir nóg af glímum.
