Þriðjudagsglíman - Ben Askren vs. Marcelo Garcia -

Þriðjudagsglíman að þessu sinni er æfingaglíma á milli tveggja goðsagna úr ólíkum áttum. Marcelo Garcia er vel þekktur sem einn besti jiu jitsu glímukappi í heimi. Hann hefur glímt við alla þá bestu en hér en vinaleg æfingaglíma á milli hans og Ben Askren. Askren er afburða íþróttamaður í „freestyle wrestling“ og keppti til að mynda á Ólympíuleikunum. Þá er hann fyrrverandi Bellator meistari í veltivigt og enn ósigraður. Eins og flestir vita er Askren frægur fyrir að nota kæfandi glímustíl sinn til að gjörsigra hæfileikaríka andstæðinga í MMA. Spurningin er, hvernig virkar glíman á móti jiu jitsu snillingi eins og Garcia? Askren er sá hárprúði.