Tveir íslenskir hnefaleikamenn keppa á flottu boxkvöldi í Noregi í kvöld. Þeir Elmar Gauti Halldórsson og Sindri Snorrason keppa gegn heimamönnum en báðir eru þeir að keppa áhugamannabardaga.
Boxkvöldið kallast The Homecoming og fer fram í Bergen í Noregi. Nokkrir atvinnubardagar eru á dagskrá en í aðalbardaga kvöldsins er barist um Evróputitla IBA og WBO.
Elmar Gauti er í fyrsta bardaga kvöldsins en hann mætir Dennis Hofstad. Sindri er síðan í 3. bardaga kvöldsins en hann mætir Kristoffer Fredriksen. Íslendingarnir koma báðir úr Hnefaleikafélagi Reykjavíkur.
Bardagakvöldið er sýnt á TV Sumo hér kl. 18 á íslenskum tíma en mögulega verður bardögunum streymt á Facebook síðu Mjölnis.
