UFC 209 fór fram í Las Vegas í nótt. Í aðalbardaga kvöldsins mættust þeir Stephen Thompson og Tyron Woodley en hér má sjá úrslit kvöldsins.
Tyron Woodley heldur veltivigtartitli sínum eftir sigur á Stephen Thompson. Bardaginn var mjög taktískur en ekki mikið fyrir augað. Báðir bardagamenn voru mjög hikandi og áttu erfitt með að taka í gikkinn. Tveir dómarar dæmdu Woodley sigur á meðan einn dómari dæmdi bardagann jafntefli. Ekki eru allir sammála niðurstöðu bardagans en bardaginn þótti ekki skemmtilegur og var mikið baulað af áhorfendum í Vegas.
Bardagi Teymur og Vannata var valinn bardagi kvöldsins og þeir Darren Elkins og Iuri Alcantara fengu frammistöðubónusa fyrir sína sigra. Hér má svo sjá öll úrslit kvöldsins.
Aðalhluti bardagakvöldsins:
Titilbardagi í veltivigt: Tyron Woodley sigraði Stephen Thompson eftir meirihluta dómaraákvörðun (48-47, 47-47, 48-47).
Léttvigt: David Teymur sigraði Lando Vannata eftir dómaraákvörðun.
Millivigt: Dan Kelly sigraði Rashad Evans eftir klofna dómaraákvörðun.
Strávigt kvenna: Cynthia Calvillo sigraði Amanda Cooper með uppgjafartaki (rear-naked choke) eftir 3:19 í 1. lotu.
Þungavigt: Alistair Overeem sigraði Mark Hunt með rothöggi eftir 1:44 í 3. lotu.
Fox Sports 1 upphitunarbardagar
Þungavigt: Marcin Tybura sigraði Luis Henrique með tæknilegu rothöggi eftir 3:46 í 3. lotu.
Fjaðurvigt: Darren Elkins sigraði Mirsad Bektić með rothöggi eftir 3:19 í 3. lotu.
Bantamvigt: Iuri Alcântara sigraði Luke Sanders með uppgjafartaki (kneebar) eftir 3:13 í 2. lotu.
Þungavigt: Mark Godbeer sigraði Daniel Spitz eftir dómaraákvörðun.
UFC Fight Pass upphitunarbardagar
Léttþungavigt: Tyson Pedro sigraði Paul Craig með tæknilegu rothöggi eftir 4:10 í 1. lotu.
Bantamvigt: Albert Morales sigraði Andre Soukhamthath eftir klofna dómaraákvörðun.
