UFC 213 fer fram á laugardaginn þar sem tveir titilbardagar verða á dagskrá. UFC hefur nú birt fyrsta Embedded þáttinn fyrir bardagakvöldið.
International Fight Week er í vikunni en það er árlegur viðburður UFC þar sem öllu er til tjaldað og býður UFC upp á tvö bardagakvöld. Á föstudaginn fer TUF Finale fram þar sem Justin Gaethje berst sinn fyrsta bardaga í UFC þegar hann mætir Michael Johnson.
Stóra kvöldið er svo á laugardaginn þegar tveir titilbardagar verða á dagskrá. Meistarinn Amanda Nunes mætir Valentinu Shevchenko í aðalbardaga kvöldsins og svo mætast þeir Robert Whittaker og Yoel Romero um bráðabirgðartitilinn í millivigtinni.
Fyrsta Embedded þáttinn fyrir UFC 213 má sjá hér að neðan en þar má m.a. sjá Robert Whittaker í fótbolta og Valentinu Shevchenko á skotæfingasvæðinu.
